جہلم: جی ٹی روڈ کالا گجراں میں قائم نجی سکول کے طلبہ و طالبات نے میٹرک کے امتحانات میں شاندار کارکردگی کا مظاہرہ کیا، والدین کا نجی سکولز کے پرنسپل اور اساتذہ کو خراج تحسین۔
تفصیلات کے مطابق جی ٹی روڈ کالا گجراں میں قائم نجی سکول کے طلبہ و طالبات نے میٹرک کے امتحانات میں ایک ہزار سے زیادہ نمبر حاصل کرکے راولپنڈی ڈویژن میں شاندار کارکردگی کا مظاہرہ کیا، سکول کی طالبہ شیزا سجاد نے1200 میں سے1140 نمبر حاصل کرکے سکول میں پہلی پوزیشن حاصل کی۔
اعتزاض نذیر نے 1133 نمبر حاصل کرکے دوسری پوزیشن ،ماریہ عثمان نے 1080 نمبر حاصل کرکے تیسری پوزیشن ،آیان احمد نے 1044 نمبر حاصل کرکے چوتھی ، صفاء عثمان نے 1039 نمبرحاصل کرکے پانچویں ، ارمان شاہد نے1019 نمبر حاصل کرکے چھٹی ، محمد طحہٰ قریشی نے 1018 نمبر حاصل کرکے ساتویں پوزیشن حاصل کی۔
محمد فیضان نے 1014 نمبر حاصل کرکے آٹھویں پوزیشن حاصل کی ، اسی طرح حنین محمود نے 976، محمد شاہزیب نے 973،مریم تنویر نے 947 نمبر حاصل کرکے نمایاں پوزیشنیں حاصل کی ہیں۔
سکول پرنسپل نے اپنے پیغام میں کہا ہے کہ تعلیم اعلیٰ معاشرے کی پہچان ہے اور ہم اس میں اپنا کردار ادا کرنے کی بھرپور کوشش کررہے ہیں۔ اساتذہ کی انتھک محنت سے ہمارے سکول کو حسب سابق روایت اس بار بھی میٹرک کے سالانہ امتحانات میں بہترین نتائج حاصل ہوئے ہیںجس کا سہرا سکول انتظامیہ کے سر ہے۔
