دینہ: ستھرا پنجاب مہم کے تحت ڈپٹی کمشنر جہلم سیدہ رملہ علی کی ہدایت پر اسسٹنٹ کمشنر دینہ سعدیہ حسین ڈوگر نے دینہ کے علاقہ نکودر میں پلاٹوں سے کچرا صاف کروا دیا۔
لدھڑ یونین کونسل میں شہری کے پلاٹ سے 50 سال پرانے ڈمپنگ پوائنٹ جو کہ شہری کی ذاتی ملکیت پلاٹ تھا اور نکودر چوک کی خوبصورتی کو ماند کیے ہوئے تھا انچارج یونین کونسل ضلع جہلم عظمت فرید کے جب نوٹس میں دیاتو انہوں نے ذاتی دلچسپی لیتے ہوتے شب و روز محنت کر کے اس ڈمپنگ پوائنٹ کو صاف کروا کر خوبصورت گراؤنڈ کی صورت میں تبدیل کروا دیا۔
اہل علاقہ نے عظمت فرید کی اس کارکردگی پر ان کو خراج تحسین پیش کیا اور ان کا شکریہ ادا کیا کہ انہوں نے لدھڑ یونین کونسل میں وزیراعلی پنجاب مریم نواز کے ویژن کے مطابق خوبصورت کام کروایا۔
اس خوبصورت کام میں یونین کونسل کی سیکرٹری صائمہ، عملہ اور سیاسی سماجی شخصیت راجہ کامران سیاب کو بھی خوب خراج تحسین پیش کیا گیا جنہوں نے اس مرکزی کام میں کردار ادا کیا۔ اب اس پلاٹ کو خوبصورت پلانٹ لگا کر خوبصورت پارک کی صورت بنایا جائے گا۔
