سوہاوہ پولیس نے اہم کارروائی کرتے ہوئے 20 سالہ لڑکی کے ساتھ زیادتی کی کوشش کرنے والے ملزم کو گرفتار کر لیا۔
تفصیلات کے مطابق جہلم کی تحصیل سوہاوہ میں ایس ایچ او تھانہ سوہاوہ اور ان کی ٹیم نے فوری اطلاع ملنے پر موقع پر پہنچ کر 0 سالہ لڑکی کے ساتھ زیادتی کی کوشش کرنے والے ملزم کو گرفتار کر لیا۔
پولیس کے مطابق گرفتار شدہ ملزم کو ٹھوس شواہد کے ساتھ چالان عدالت پیش کیا جائے گا اور قانونی کارروائی کے نتیجے میں اسے قرار واقعی سزا دلائی جائے گی۔
ڈسٹرکٹ پولیس آفیسر جہلم طارق عزیز سندھو نے اس موقع پر کہا کہ ضلع جہلم میں خواتین اور بچوں کے ساتھ جنسی زیادتی جیسے جرائم کے خلاف زیرو ٹالرنس پالیسی نافذ ہے۔ انہوں نے واضح کیا کہ پولیس ایسے مقدمات میں کسی بھی قسم کی رعایت یا کوتاہی برداشت نہیں کرے گی اور مجرموں کے خلاف فوری اور مؤثر کارروائی کو یقینی بنایا جائے گا۔
