موٹر وے پولیس کا ایک اور احسن اقدام ، ترکی ٹول پلازہ سوہاوہ کے قریب ہینو ٹرک میں موجود کیمیکل کے ڈرمز کو آگ سے بچا کر بڑا سانحہ رونما ہونے سے بچا لیا گیا ، ریسکیو1122 کی مد د سے بروقت اقدام سے آگ پر قابو پایا گیا۔
تفصیلات کے مطابق ترکی ٹول پلازہ سوہاوہ کے قریب ایک ہینو ٹرک نمبر RIS2462 جس میں کارگوں لوڈ تھا بوجہ شارٹ سرکٹ اچانک آگ لگ گئی، واقعہ کی اطلاع ملتے ہی موٹروے پولیس بروقت جائے حادثہ پہنچ گئی۔
ایریا موبائل کے علاوہ CP0بیٹ 6 علی عابد سلیمان ،ایڈمن آفیسراحتشام الرحمٰن ،اپریشنل آفیسر اسد عباس ،سب انسپکٹر محمد بلال اور ہیڈ کانسٹیبل محمد عقیل ہمراہی پارٹی موقع پر پہنچے تو معلوم ہوا کہ ٹرک میں کارگو سامان کے ساتھ ساتھ 5عدد کیمیکل ڈرم پڑے ہوئے ہیں جس پر فوری ایکشن لیتے ہوئے ٹرک کو ان لوڈ کیا گیا جس کی وجہ سے علاقہ بڑے سانحہ سے بچ گیا۔
ٹریفک کی روانی کو بھی بحال رکھتے ہوئے بغیر کسی جانی نقصان کے بذریعہ ریسکیو1122آگ پر قابو پا لیا گیا۔
عوامی اور سماجی حلقوں نے کہا کہ بروقت ٹریفک کو بحال رکھتے ہوئے فوری ٹرک کو ان لوڈ کرتے ہوئے کیمیکل ڈرم کو آگ سے بچاتے ہوئے ہم موٹر وے پولیس کے اس احسن اقدام کو سراہتے ہیں اور بیٹ کمانڈر علی عابد رضوان کی موجودگی اور کمانڈ اینڈ کنٹرول کی تعریف کی گئی۔
