دینہ کی معروف کاروباری شخصیت یٰسین بٹ کے صاحبزادے اویس بٹ رشتہ ازدواج میں منسلک ہونے کے بعد اپنی فیملی کے ہمراہ عمرہ کی سعادت حاصل کی۔
عمرہ کی ادائیگی کے دوران حرم مکہ مکرمہ میں طوافِ کعبہ اور دیگر مناسک ادا کرتے ہوئے انہوں نے اللہ تعالیٰ کا شکر ادا کیا اور نئی ازدواجی زندگی میں خیر و برکت، سکون اور استقامت کے لیے خصوصی دعائیں کیں۔
اویس بٹ نے اس موقع پر والدین، اہلِ خانہ، عزیز و اقارب کے علاوہ ملک و قوم اور پوری امتِ مسلمہ کے لیے بھی خصوصی دعا کی۔ عمرہ کی سعادت کے بعد اویس بٹ دوبارہ فن لینڈ پہنچ گئے، جہاں عزیز و اقارب اور دوستوں نے ان کا پرتپاک استقبال کیا، پھولوں کے ہار پہنائے اور نیک تمناؤں کا اظہار کیا۔
اویس بٹ کی اس مبارک سعادت پر اہلِ علاقہ، دوست احباب اور قریبی رشتہ داروں کی جانب سے ان کے والد یٰسین بٹ کو بھی ڈھیروں مبارکباد پیش کی گئی اور نیک خواہشات کا اظہار کیا گیا۔


