انسپکٹر جنرل آف پولیس پنجاب ڈاکٹر عثمان انور کے احکامات پر ڈی پی او جہلم ناصر محمود باجوہ نے سابق وفاقی سیکرٹری اسلام آباد مظفر محمود قریشی کے گھر اسلام آباد کا دورہ کیا، آئی جی پنجاب کی طرف سے تعریفی لیٹر پیش کیا اور شکریہ ادا کیا۔
سابق وفاقی سیکرٹری اسلام آباد مظفر محمود قریشی کے حقیقی بھائی پروفیسر مستہضر محمود قریشی 26 اگست 1992 کو ایک ٹریفک حادثہ میں وفات پا گئے تھے جن کے ورثاء کا پتہ نہیں چل رہا تھا۔ اس وقت کی مقامی پولیس نے متوفی کے اہل خانہ کو تلاش کر کے نعش اور اسکا ڈیتھ سرٹیفکیٹ بنواکر ورثاء کے حوالے کیا تھا۔
سابق وفاقی سیکرٹری اسلام آباد مظفر محمود قریشی جہلم پولیس کی خدمات اور سروسز سے متاثر ہو کر ہر سال خطیر رقم جہلم پولیس کی ویلفیئر کے لیے جمع کرواتے ہیں۔
انسپکٹر جنرل آف پولیس پنجاب ڈاکٹر عثمان انور کے احکامات پر ڈی پی او جہلم ناصر محمود باجوہ کی سابق وفاقی سیکرٹری اسلام آباد مظفر محمود قریشی کے گھر اسلام آباد آمد، آئی جی پنجاب کی طرف سے لیٹر آف ایپریسی ایشن پیش کیا اور شکریہ ادا کیا،سابق وفاقی سیکرٹری اسلام آباد مظفر محمود قریشی pic.twitter.com/VsrJtp8fQb
— JHELUM POLICE OFFICIAL (@police_jhelum) September 28, 2023
انسپکٹر جنرل آف پولیس پنجاب ڈاکٹر عثمان انور نے سابق وفاقی سیکرٹری کے پولیس پر اعتماد کو سراہا اور انہیں تعریفی لیٹر جاری کیا جو ڈی پی او جہلم ناصر محمود باجوہ نے خود اسلام آباد حاضر ہو کر سابق وفاقی سیکرٹری اسلام آباد مظفر محمود قریشی کو پیش کیا۔
سابق وفاقی سیکرٹری اسلام آباد مظفر محمود قریشی نے انسپکٹر جنرل آف پولیس پنجاب ڈاکٹر عثمان انور اور ڈی پی او جہلم ناصر محمود باجوہ کا شکریہ ادا کیا۔
ڈی پی او جہلم ناصر محمود باجوہ نے کہا کہ جہلم پولیس شہریوں کی خدمت اور حفاظت میں مصروف عمل ہے۔
