جہلم پریس کلب کے بانی ممبر معروف سینئر صحافی چوہدری وسیم تبریز حرکت قلب بند ہونے کے باعث وفات پا گئے،مرحوم کی نماز جنازہ ان کے آبائی علاقہ مشین محلہ نمبر3 جامع مسجد شیخ قائم دین سے ملحقہ جنازہ گاہ میں ادا کردی گئی۔
نماز جنازہ میں شہری، سماجی، رفاعی، فلاحی، مذہبی، کارروباری اور صحافتی تنظیموں کے عمائدین سمیت تمام مکاتب فکر سے تعلق رکھنے والے افراد کی کثیر تعداد موجود تھی اور مرحوم کی مغفرت اور روح کے ایصال ِ ثواب کے لئے خصوصی دعا کروائی گئی۔
