پنڈدادنخان: وزیر اعلیٰ پنجاب مریم نواز کی ہدایات پر ستھرا پنجاب پروگرام کے تحت جہلم کی تحصیل پنڈدادنخان کے دو دیہات سہوترہ اور ڈپھر کو ماڈل ویلج بنا دیا گیا جس کا باقاعدہ افتتاح ڈپٹی کمشنر جہلم سیدہ رملہ علی نے کیا۔
اسسٹنٹ کمشنر پنڈدادنخان نادیہ پروین بھی ڈپٹی کمشنر جہلم سیدہ رملہ علی کے ہمراہ تھیں۔
اس موقع پر ڈپٹی کمشنر جہلم سیدہ رملہ علی کا کہنا تھا کہ شہریوں کا بھی فرض ہے کہ نالیوں اور گلی میں گند پھینکنے کی بجائے ڈمپنگ پوائنٹ پر کچرا پھینکیں۔
للِہ تا جہلم ڈیول کیرج وے منصوبہ سے متعلق سوال پر ڈپٹی کمشنر رملہ علی کا کہنا تھا کہ ڈیول کیرج وے منصوبہ کو دوریہ سے سنگل سڑک کی پرپوزل وزیراعلیٰ پنجاب مریم نواز کے پاس پہنچ گئی ہے، جیسے ہی سمری پاس ہو گی اور فنڈز ملتے ہی للِہ تا جہلم سنگل سڑک کے منصوبے پر کام شروع ہو جائے گا۔
انہوں نے کہا کہ ٹوبھہ ٹراما سنٹر اور جہلم ٹراما سنٹر پر تاحال تعمیراتی کام بندہے اور یہ کارڈیک سنٹر میں کنورٹ ہو رہے ہیں۔
