جہلم: سبزیوں اور پھلوں کی قیمتوں کو کنٹرول کرنے کے لیے مسلسل چیکنگ ضروری ہے، شہریوں کو ریلیف فراہم کرنا ہم سب کی ذمہ داری ہے۔
یہ بات ڈپٹی کمشنر جہلم کیپٹن(ر) سمیع اللہ فاروق نے سبزی منڈی جہلم کا دورہ کرتے ہوئے مارکیٹ کمیٹی کے ممبران اور آڑھتیوں سے گفتگو کرتے ہوئے کہی۔ انہوں نے صبح سویرے سبزی منڈی میں مختلف سبزیوں اور پھلوں کی نیلامی اور قیمتوں کا جائزہ لیا جبکہ مارکیٹ کمیٹی کی جانب سے جاری کردہ قیمتوں بارے بھی آگاہی حاصل کی۔
ڈپٹی کمشنر کو بتایا گیا کہ سردی کے موسم میں سبزیوں کی سپلائی میں کمی آنے کی وجہ سے بعض سبزیوں کی قیمتوں میں اضافہ دیکھنے میں آیا ہے جس کو کنٹرول کرنے کے اقدامات کئے جا رہے ہیں۔
