جہلم شہر سمیت ضلع بھر میں اشیاء خورد و نوش کریانہ سٹور، قصاب، سبزی فروش، ہوٹلوں پر غیر معیاری کھانا اور دکان داروں کی طرف سے من مانے نرخوں کی وصولی جاری، ڈپٹی کمشنر سے نوٹس لینے کا مطالبہ۔
تفصیلات کے مطابق جہلم شہر سمیت ضلع بھر میں قائم سبزی و فروٹ فروش ، کریانہ سٹورز،مرغی و چھوٹا ، بڑا گوشت کے دکانداروں سمیت ہوٹلوں پر غیر معیاری کھانے اور من مانے نرخ وصول کئے جارہے ہیں۔
شہر ی تنظیموں کے عمائدین کا کہنا ہے کہ دکانداروں و ہوٹلز مالکان کی جانب سے من مرضی کے نرخوں کی وصولی اب برداشت سے باہر ہوتی جا رہی ہے، پچھلے دنوں کا بچا کھانا فریزر میں محفوظ کرکے گاہکوں کو کھلادیا جاتا ہے جس کے استعمال سے شہری بیمار ہو رہے ہیں جبکہ دکاندار اشیاء خوردونوش کے من مرضی کے نرخ وصول کررہے ہیں۔
جہلم شہر کی سماجی، رفاعی، فلاحی اور شہری تنظیموں کے عمائدین نے ڈپٹی کمشنر سے نوٹس لینے اور گراں فروشی کے مرتکب دکاندار و باسی کھانے فروخت کرنے والے ہوٹلز مالکان کیخلاف کارروائیاں کرنے کا مطالبہ کیا ہے۔
