جہلم: عالمی یوم اساتذہ پر شاندار کارکردگی کا مظاہرہ کرنے والے اساتذہ میں اسناد اور انعامات تقسیم، مہمان خصوصی ڈی سی جہلم سیدہ رملہ علی تھیں۔
تفصیلات کے مطابق عالمی یوم اساتذہ پر ضلع جہلم میں بہترین کارکردگی کا مظاہرہ کرنے اور مثالی رزلٹ دینے والے 76 اساتذہ کو اسناد اور انعامات دینے کی تقریب جامع سکول میں منعقد ہوئی جس کی مہمان خصوصی ڈپٹی کمشنر جہلم سیدہ رملہ علی نے اساتذہ میں اسناد تقسیم کیں۔
اس موقع پر سی او ایجوکیشن رانا جاوید نے اساتذہ کی کارکردگی بارے ڈپٹی کمشنر کو بریفنگ دی۔
ڈپٹی کمشنر سیدہ رملہ علی نے تقریب سے خطاب کرتے ہوئے کہا کہ کسی معاشرے کی تشکیل کی اصل ذمہ داری اساتذہ پر ہوتی ہے آپ سب لوگ ضلع جہلم کے ہزاروں اساتذہ کے لیے مشعل راہ اور مثال ہیں جنہوں نے اپنی ڈیوٹی انتہائی ایمانداری اور فرض شناسی سے نبھائی اور آج اس اعزاز کے حقدار قرار پائے۔
ڈپٹی کمشنر نے اسناد حاصل کرنے والے اساتذہ کو شاباش دی۔
