دینہ/ جہلم: فواد چوہدری نے کہا کہ اس حکومت کے جو حالات ہیں انہوں نے کسی بات پر نہیں آنا، آئینی اور سیاسی جنگ حکومت پہلے ہی ہار چکی ہے۔
سابق وفاقی وزیر اطلاعات و نشریات فواد چوہدری نے اپنے ویڈیو بیان میں کہا کہ پاکستان تحریک انصاف کا فوکس اس وقت اپوزیشن اتحاد ہونا چاہیے۔ مولانا فضل الرحمٰن، جی ڈی اے، جماعت اسلامی، محمود اچکزئی، یہ جماعتیں جب تک اکھٹی نہیں ہوں گی مذاکرات نہ ہوسکتے ہیں نہ ہوں گے۔
انہوں نے کہا کہ تحریک انصاف پہلے ان جماعتوں کے ساتھ مذاکرات کرے، حکومت کے ساتھ بعد میں مذاکرات کرے۔ جب اگلے سے بات کر رہے ہیں، مذاکرات ناکام ہوں گے تو نتائج ہوں گے۔
فواد چوہدری نے کہا کہ تحریک انصاف کی موجودہ لیڈرشپ کی سیاسی حکمت عملی سامنے نہیں آسکی۔ عمران خان اور بشری بی بی کتنے عرصے جیل میں ہیں بدقسمتی سے تحریک انصاف کی موجودہ لیڈرشپ کی کوئی سیاسی حکمت عملی نہیں ہیں۔
سابق وفاقی وزیر نے مزید کہا کہ اتنی بڑی عوامی حمایت ہونے کے باوجود جو نتائج آنا چاہیے وہ نظر نہیں آرہے۔
