الفلاح فاؤنڈیشن پاکستان کے زیرِ اہتمام ایک فری میڈیکل کیمپ 22 دسمبر، بروز اتوار، صبح 11 بجے سے دن 3 بجے تک اقراء ایجوکیشنل سسٹم اسکول، اتفاق کالونی، نزد اسلام مارکیٹ، ترنول، اسلام آباد میں منعقد کیا گیا۔
یہ کیمپ شیخِ سلسلہ نقشبندیہ اویسیہ امیر عبدالقدیر اعوان کی زیرِ نگرانی ہوا۔ فری میڈیکل کیمپ میں ماہر ڈاکٹرز کی ٹیم نے مریضوں کا مفت معائنہ کیا اور انہیں فری ادویات فراہم کیں۔ اس موقع پر علاقہ معززین، سیاسی اور سماجی شخصیات نے بڑی تعداد میں شرکت کی۔
مریضوں نے الفلاح فاؤنڈیشن کا شکریہ ادا کرتے ہوئے شیخ سلسلہ نقشبندیہ اویسیہ کے لیے نیک تمناؤں اور دعاؤں کا اظہار کیا۔
الفلاح فاؤنڈیشن کے عہدیداروں نے اس عزم کا اعادہ کیا کہ مستقبل میں بھی ایسے بے شمار فری میڈیکل کیمپ کا انعقاد کیا جائے گا تاکہ عوام کو صحت کی بہترین سہولیات مفت فراہم کی جا سکیں۔
یاد رہے کہ الفلاح فاؤنڈیشن جو سلسلہ نقشبندیہ اویسیہ کی ذیلی تنظیم ہے، ملک بھر میں طویل عرصے سے عوام کی خدمت کے مختلف منصوبوں پر کام کر رہی ہے۔ اس تنظیم کی سرپرستی خود شیخِ سلسلہ عالیہ امیر عبدالقدیر اعوان کرتے ہیں۔
