دینہ میں کار اور دو موٹر سائیکلوں میں تصادم سے خاتون اور 10 سالہ بچے سمیت پانچ افراد زخمی ہو گئے۔
ریسکیو ذرائع کے مطابق جہلم کی تحصیل دینہ کے علاقے کالووال موڑ پر کار اور دو موٹر سائیکلوں کے درمیان تصادم کے نتیجے میں خاتون سمیت پانچ افراد زخمی ہو گئے۔ حادثے کی اطلاع ملتے ہی ریسکیو 1122 کی دو ایمبولینسز جائے وقوعہ پر روانہ کر دی گئیں۔
ریسکیو 1122 کے مطابق امدادی ٹیموں نے موقع پر پہنچ کر زخمیوں کو ابتدائی طبی امداد فراہم کی۔ حادثے میں زخمی ہونے والی خاتون اور ان کے شوہر کو طبی امداد کے بعد رورل ہیلتھ سینٹر (آر ایچ سی) دینہ منتقل کر دیا گیا، جبکہ دیگر تین زخمیوں کو ابتدائی طبی امداد فراہم کرنے کے بعد ڈسٹرکٹ ہیڈ کوارٹرز (ڈی ایچ کیو) اسپتال جہلم منتقل کیا گیا۔
ریسکیو ذرائع کے مطابق زخمیوں میں 65 سالہ محمد افضل ولد فقیر محمد، 12 سالہ سبحان ولد ساجد، 25 سالہ ابوبکر ولد اصغر اور 10 سالہ ریحان ولد ساجد شامل ہیں۔
