جہلم: اینٹی کرپشن عدالت نے سابق وفاقی وزیر فواد چوہدری کے وارنٹ گرفتاری جاری کردیے۔
تفصیلات کے مطابق راولپنڈی کی اینٹی کرپشن کورٹ میں سابق وفاقی وزیر فواد چوہدری کے خلاف جہلم کی تحصیل دینہ کی نجی ہاؤسنگ سوسائٹی میں غیر قانونی اراضی منتقل کی سماعت ہوئی۔
طلبی کے باوجود پیش نہ ہونے پر عدالت نے فواد کے وارنٹ گرفتاری جاری کردیے اور انہیں 30 جون کو عدالت میں پیش کرنے کا حکم دیا، اسپیشل جج اینٹی کرپشن خاور رشید نے سابق وفاقی وزیر فواد چوہدری کے وارنٹ گرفتاری جاری کئے۔
اینٹی کرپشن پنجاب نے سابق وزیر فواد پر جہلم میں ہاؤسنگ سوسائٹی میں غیر قانونی اراضی منتقلی کا مقدمہ درج کرایا تھا، ان کیخلاف اینٹی کرپشن پنجاب نے مقدمہ درج کیا ہوا ہے۔
