سوہاوہ: یونین کونسل ڈومیلی میں پولیو اریڈیکیشن کمیٹی کی میٹنگ کاانعقاد کیا گیا۔ میٹنگ میں سیکرٹری یوسی، محرر تھانہ ڈومیلی، پرنسپل بوائز گرلزہائی سکول، مقامی امام مسجدسمیت علاقے کی دیگر معزز شخصیات نے شرکت کی۔
تفصیلات کے مطابق جہلم کی تحصیل سوہاوہ کی یونین کونسل ڈومیلی میں پولیو اریڈیکیشن کمیٹی کی میٹنگ کا انعقاد کیا گیا جس میں یونین کونسل سیکرٹری، پٹواری، تھانہ ڈومیلی کےمحرر، گورنمنٹ ہائی سکول ڈومیلی کے پرنسپل اور زنانہ سکول کی ہیڈ مسٹریس، مقامی کونسلر صاحبان، امام مسجد اور علاقے کی معزز شخصیات نے شرکت کی۔
اس میٹنگ کے دوران تمام حاضرین کو آنے والے پولیو کے بارے میں بریف کیا گیا۔ پولیو کے لیے کی گئی مائیکرو پلاننگ کو ڈسکس کیا گیا تاکہ آنے والی پولیومہم میں بہتر سے بہتر کارکردگی پیش کی جا سکے۔
شرکاء کو انچارج رورل ہیلتھ سنٹر ڈومیلی ڈاکٹر شبیر اعوان اور انچارج پولیو پروگرام یونین کونسل ڈومیلی ارتضا حیدر نے بریفنگ دی۔
