جہلم کی تحصیل پنڈدادنخان میں گن پوائنٹ پر 15 سالہ لڑکے سے مبینہ بدفعلی، ملزم نے ویڈیو سوشل میڈیا پر وائرل کر دی، پولیس نے ملزم کو گرفتار کر لیا۔
تفصیلات کے مطابق 15 سالہ لڑکے سے گن پوائنٹ پر مبینہ جنسی زیادتی کا ہولناک واقعہ جہلم کی تحصیل پنڈدادنخان میں تھانہ جلالپور شریف کے علاقے پننوال میں پیش آیا، جس کی ویڈیو سوشل میڈیا پر وائرل ہونے کے بعد معاملہ منظر عام پر آیا۔ پولیس نے ملزم کو گرفتار کر لیا ہے۔
@jhelumupdates جہلم میں 15 سالہ لڑکے سے ب۔د۔ف۔ع۔ل۔ی، ویڈیو سوشل میڈیا پر وائرل #JhelumUpdates #foryou #LatestNews #fyp #jhelum #breakingnews #pinddadankhan #foryoupagе #viralvideos #viralvideo #viral #tiktok #trending ♬ original sound – Jhelum Updates
ملزم علی شیر نے اسلحے کے زور پر 15 سالہ لڑکے کو ایک بیٹھک میں لے جا کر مبینہ جنسی زیادتی کا نشانہ بنایا۔ ملزم نے بدفعلی کے دوران اپنے ایک ساتھی کو واٹس ایپ ویڈیو کال کے ذریعے یہ منظر دکھایا اور بعد ازاں ویڈیو بنا کر سوشل میڈیا پر وائرل کر دی۔
پولیس کے مطابق یہ واقعہ تقریباً دو ہفتے پرانا ہے، تاہم ویڈیو وائرل ہونے کے بعد ہی حقائق سامنے آئے۔ تھانہ جلال پور شریف میں متاثرہ لڑکے کی جانب سے درخواست پر مقدمہ درج کرتے ہوئے ملزم کو گرفتار کر لیا گیا۔ گرفتاری کے بعد ملزم کے پاس سے موبائل فون اور اسلحہ برآمد ہوئے ہیں، جن کی تفتیش جاری ہے۔
پولیس نے بتایا کہ ملزم کے خلاف قانونی کارروائی تیز کی جا رہی ہے اور مزید شواہد اکٹھے کیے جا رہے ہیں۔
