جہلم پولیس کا منشیات فروشوں کے خلاف بھر پور کریک ڈاؤن جاری، پانچ شراب سپلائرز ملزمان اور ایک منشیات فروش ملزم کو گرفتار کر لیا گیا۔
تفصیلات کے مطابق سول لائینز پولیس جہلم نے کارروائی کرتے ہوئے ملزمان شاہد کریم ،محمد وسیم اور اجمل زاہد کو گرفتار کر لیا،ملزم شاہد کریم سے 1کلو 200گرام چرس، محمد وسیم سے 15لیٹر شراب اور ملزم زاہد اجمل سے 10لیٹر شراب برآمد کر لی گئی، پولیس نے ملزمان کے خلاف الگ الگ مقدمات درج کر لئے۔
دینہ پولیس نے کارروائی کرتے ہوئے ملزمان بابر علی اور امیر گل کو گرفتار کرلیا،ملزم بابر علی اور امیر گل سے 60لیٹر شراب برآمد کر کے ملزمان کے خلاف مقدمات درج کر لئے گئے۔
چوٹالہ پولیس نے کارروائی کرتے ہوئے ملزم عقیل احمد کو گرفتار کر کے ملزم سے10لیٹر شراب برآمد کر کے مقدمہ درج کر لیا گیا۔
ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خلاف بھر پور کریک ڈاؤن جاری ہے۔
