جہلم: بجٹ میں ٹیکسوں کا نفاذ ہونے کے بعد تعمیراتی سامان مہنگا ہو گیا، نئے مالی سال میں تعمیراتی کاموں کی لاگت میں 20 سے 25 فیصد اضافہ ہوگیا۔سفید پوش طبقے کے لیے گھر بنانا خواب بن کر رہ گیا۔
ٹیکسز کے نفاذ سے سیمنٹ کی بوری کی قیمت میں 300سو روپے کا اضافہ ہوگیا،اس سمیت سریاکی پرانی قیمت 240مقرر تھی جو بڑھ کر 265 روپے فی کلو کردی گئی ہے۔
ریت کی ٹرالی 35 سو روپے سے بڑھ کر45 سو روپے ، بجری 9 ہزار سے بڑھا کر 11 ہزار 5 سو روپے ، اینٹ اول 15 ہزار سے بڑھا کر 17 ہزار رو پے فی ہزار فروخت کی جارہی ہے ، تعمیراتی میٹریل مہنگا ہونے سے سفید پوش طبقے سے تعلق رکھنے والے افراد شدید پریشانی کا شکار ہو گئے ہیں۔
تعمیراتی سامان مہنگا ہونے کے باعث 45لاکھ روپے میں بننے والا گھر اب تک 75لاکھ روپے میں تعمیر ہورہاہے ،جس کیوجہ سے تعمیراتی کاموں کو بریک لگ چکا ہے جس کے باعث دیہاڑی دار مزدور ہاتھوں پر ہاتھ دھرے سارا دن شہر کے چوک چوراہوں میں مزدری ملنے کا انتظار کرتے ہیں ، مہنگائی کیوجہ سے مزدور طبقہ شدید متاثر ہواہے۔
مزدوروں نے وفاقی و صوبائی حکومت سے مطالبہ کیاہے کہ تعمیراتی سامان کی قیمتوں میں کمی کی جائے تاکہ غریب محنت کش اپنے بچوں کو 2 وقت کی روٹی مہیا کر سکیں۔
