قاہرہ: امیر عبدالقدیر اعوان نے کہا کہ تصوف کا حصول اور باطنی اصلاح ہر ایک کے لیے ضروری ہے کیونکہ ہر عبادت ہر نیک کام کی بنیاد اس کی نیت کے خالص ہونے پر ہے اور نیت کی درستگی کے لیے صفائے قلب ضروری ہے۔کیونکہ نیت دل کا فعل ہے۔
امیر عبدالقدیر اعوان شیخ سلسلہ نقشبندیہ اویسیہ نے مصر کے شہر قاہرہ میں پاکستانی کمیونٹی کی بہت بڑی تعداد سے خطاب کرتے ہوئے کہا کہ ہم بحیثیت پاکستانی اور بحیثیت مسلمان جہاں بھی ہوں وہاں ہمیں دین اسلام کے سنہری اصولوں کو اپناتے ہوئے ملکی قوانین پر عمل پیرا ہونا ہو گا۔ہمارے درمیان اسوہ حسنہ پر عمل کرنا ہی اتفاق و اتحاد کا سبب ہے۔
یاد رہے کہ امیر عبدالقدیر اعوان شیخ سلسلہ نقشبندیہ اویسیہ قاہرہ (مصر) کے دورہ پر ہیں جہاں انفرادی ملاقاتوں کے علاوہ اجتماعی طور پر لیکچر بھی دے رہے ہیں اور سلسلہ نقشبندیہ اویسیہ کے تحت ذکر قلبی کی اہمیت پر بات کر رہے ہیں وہاں اس کی برکات بھی پہنچا رہے ہیں۔
