دینہ: ایس ایچ او تھانہ دینہ اور ان کی ٹیم نے اہم کارروائی کرتے ہوئے قمار بازی میں ملوث تین ملزمان کو گرفتار کر لیا۔
پولیس کے مطابق ملزمان مرغوں کی لڑائی پر جوا کھیل رہے تھے اور جرم کا ارتکاب کر رہے تھے۔ گرفتار ملزمان میں محمد علی، عاصم محمود اور مزمل ظہیر شامل ہیں۔
کارروائی کے دوران ملزمان سے 13,200 روپے نقدی، 3 عدد موبائل فون اور 3 عدد موٹر سائیکلز برآمد کر لی گئیں۔ ملزمان کے خلاف تھانہ دینہ میں مقدمہ درج کر لیا گیا ہے اور مزید قانونی کارروائی جاری ہے۔
ڈی پی او جہلم طارق عزیز سندھو کا کہنا ہے کہ قمار بازی ایک معاشرتی برائی ہے اور جرائم کی جڑ تصور کی جاتی ہے، اس کے خلاف کارروائیاں مسلسل جاری رہیں گی تاکہ علاقے میں قانون کی حکمرانی قائم رہے۔
