سوہاوہ: پولیس کی منشیات فروشوں اور شراب سپلائر کے خلاف کارروائی، 3 ملزمان کو گرفتار کر کے بھاری مقدار میں منشیات و شراب برآمد کر لی گئی۔
تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ سوہاوہ محمد عمران اور ٹیم نے منشیات فروشوں اور شراب سپلائر کے خلاف کامیاب کارروائی کرتے ہوئے تین ملزمان کو گرفتار کر لیا۔
ترجمان پولیس کے مطابق گرفتار ملزمان میں دو منشیات فروش اور ایک شراب سپلائر شامل ہے۔ ملزمان کے قبضے سے 1 کلو 130 گرام ہیروئن، 1 کلو 300 گرام چرس اور 10 لیٹر شراب برآمد کی گئی۔
پولیس نے ملزمان کے خلاف تھانہ سوہاوہ میں الگ الگ مقدمات درج کر لیے ہیں۔
