پنڈدادنخان کے نواحی علاقے میں موٹر سائیکل چوری کرنے والا ملزم گرفتار کر لیا گیا۔
تفصیلات کے مطابق جہلم کی تحصیل پنڈدادنخان میں جلالپور شریف پولیس نے ایس ایچ او تھانہ جلالپور شریف کی قیادت میں کارروائی کرتے ہوئے موٹر سائیکل چوری کے مقدمے میں ملوث ملزم کو گرفتار کر لیا۔ پولیس نے ملزم کے قبضے سے چوری شدہ موٹر سائیکل بھی برآمد کر لی ہے۔
پولیس حکام کے مطابق ملزم کو ٹھوس شواہد کے ساتھ چالان عدالت کیا جائے گا اور اسے قانون کے مطابق قرار واقعی سزا دلوائی جائے گی۔
ڈسٹرکٹ پولیس آفیسر جہلم طارق عزیز سندھو نے کہا ہے کہ شہریوں کے قیمتی اثاثوں سے محروم کرنے والے عناصر کسی رعایت کے مستحق نہیں اور ایسے جرائم کے خلاف سخت کارروائیاں جاری رہیں گی۔
