جہلم پولیس نے جرائم پیشہ عناصر اور امنِ عامہ میں خلل ڈالنے والے افراد کے خلاف کارروائیاں جاری رکھتے ہوئے آوارہ گردی کرنے والے 4 ملزمان کو گرفتار کر لیا۔
ترجمان جہلم پولیس کے مطابق ڈی پی او جہلم شفیق احمد چوہدری کی ہدایات پر ایس ایچ او تھانہ سٹی اور پولیس ٹیم نے کارروائی کرتے ہوئے 4 ملزمان کو گرفتار کیا۔ پولیس کے مطابق ملزمان عوامی مقامات پر بغیر کسی معقول وجہ کے مشتبہ سرگرمیوں میں مصروف تھے۔
پولیس حکام کا کہنا ہے کہ شہریوں کے جان و مال کے تحفظ اور امن و امان کے قیام کے لیے تمام ممکنہ اقدامات کیے جا رہے ہیں۔
ڈی پی او جہلم شفیق احمد چوہدری نے کہا کہ عوامی مقامات پر ہلڑ بازی، آوارہ گردی اور امنِ عامہ میں خلل ڈالنے والے عناصر کے خلاف بلاامتیاز کارروائیاں جاری رہیں گی، جبکہ شہریوں کے تحفظ اور معاشرے میں امن برقرار رکھنے کے لیے قانون کے مطابق کارروائی عمل میں لائی جائے گی۔
