جہلم: موسم کی معمولی تبدیلی کے ساتھ ہی جہلم سمیت پنجاب بھر میں فش فارموں کی نیلامیوں کا سلسلہ شروع ہو گیا ہے۔
باوثوق ذرائع کے مطابق بیشتر فش فارم محکمہ ماہی پروری کی زیر نگرانی چل رہے ہیں جن کی نیلامیوں سے حکومت پنجاب کو ہر سال کروڑوں روپے کی آمدن حاصل ہوتی ہے۔
حکومت پنجاب نے اس سال فش فارموں کی نیلامی کو زیادہ شفاف بنانے اور پول سسٹم سے بچانے کے لیے خصوصی اقدامات کیے ہیں۔
اس مقصد کے تحت ہر ضلع کی نیلامی کمیٹی میں تین اعلیٰ افسران کو شامل کیا گیا ہے جن میں ڈپٹی کمشنر، ایکسین آبپاشی اور ڈسٹرکٹ اکاؤنٹس آفیسر شامل ہیں۔ یہ افسران اپنی صوابدید پر کمیٹی میں اپنے نامزد افسران کو بھی شامل کر سکتے ہیں تاکہ شفافیت اور میرٹ کو یقینی بنایا جا سکے۔
