سوہاوہ میں تیز رفتار کار نے 66 سالہ خاتون کو کچل دیا، خاتون موقع پر جان کی بازی ہار گئی، کار ڈرائیور موقع سے فرار ہو گیا۔
تفصیلات کے مطابق سوہاوہ میں پولیس اسٹیشن کے قریب ایک تیز رفتار کار نے 66 سالہ راہگیر خاتون ضمیر بی بی زوجہ محمد بشیر سکنہ دریالہ خاکی تحصیل سوہاوہ کو ٹکر مار دی جس کے نتیجہ میں خاتون موقع پر ہی جاں بحق ہو گئی۔
ریسکیو 1122 کی ٹیم نے ڈیڈ باڈی کو تحصیل ہیڈ کوارٹر ہسپتال سوہاوہ منتقل کردیا، کار ڈرائیور گاڑی سمیت موقع سے فرار ہو گیا۔
