پاکستان مسلم لیگ ن کے رہنما بلال کیانی نے کہا ہے کہ نواز شریف عوام کے ووٹ سے چوتھی بار وزیراعظم بننے جا رہےہیں۔
نجی ٹی وی چینل کے پروگرام میں گفتگو کرتے ہوئے بلال کیانی نے کہا کہ بدقسمتی سے پیپلز پارٹی کی تقریر کا محور ن لیگ پر تنقید کرنا بن گیا ہے، ن لیگ پر تنقید الیکشن کمپین کیلئے اسٹریٹجی ہو سکتی ہے مگر کچھ ملے گا نہیں۔
انہوں نے کہا کہ ن لیگ عوام کے ووٹ سے حکومت بناتی نظر آ رہی ہے ، نواز شریف عوام کے ووٹ سے چوتھی بار وزیراعظم بننے جا رہےہیں۔
بلال اظہر کیانی نے کہاکہ ہماری قیادت پیپلز پارٹی کی قیادت کے بارے میں بات نہیں کر رہی، ہم معیشت کی بحالی اور امن کی بات کر رہے ہیں۔
لیگی رہنما نے کہا کہ تمام جماعتوں نے اتحاد بنا کر آئینی طریقےسے مسلط شدہ حکومت کو ہٹایا تھا، 16ماہ کی اتحادی حکومت میں ہم نے آئی ایم ایف سے معاہدہ کیا۔
بلال کیانی کا مزید کہنا تھا کہ اگرموازنہ کرنا ہے تو 2013سے 2018تک کا کریں، ہم نے لوڈشیڈنگ اور دہشت گردی کا خاتمہ کیا تھا۔
