جہلم شہر سمیت مضافاتی علاقوں میں منی پٹرول پمپس کی بھرمار، انتظامیہ سمیت سول ڈیفنس کے افسران و اہلکار خاموش تماشائی کا کردار ادا کررہے ہیں۔ جہلم شہر کی شہری سماجی، رفاعی، فلاحی تنظیموں کے عمائدین نے اعلی حکام سے نوٹس لینے اور متعلقہ پٹرول پمپس مالکان کے خلاف کارروائیاں کرنے کا مطالبہ کردیا۔
تفصیلات کے مطابق جہلم شہر سمیت مضافاتی علاقوں میں جگہ جگہ منی پٹرول پمپس کھل چکے ہیں، جہاں پٹرول کی فروخت کا کارروبار جاری و ساری ہے۔ دوسری جانب موٹرسائیکل مکینک بھی پٹرول خفیہ جگہوں پر رکھ کر پٹرول کی غیر قانونی فروخت شروع کررکھی ہے۔ جو کسی بھی وقت بڑے حادثے کی وجہ بن سکتے ہیں اور شہری آبادی کے مکینوں کو جان کا خطرہ لاحق ہے۔
جہلم شہر کی شہری سماجی، رفاعی، فلاحی تنظیموں کے عمائدین نے وزیر اعلی پنجاب مریم نواز شریف سے مطالبہ کیا ہے کہ ان سماج دشمن عناصر کے خلاف قانونی کارروائی کرنے کے احکامات جاری کئے جائیں تاکہ شہریوں کی زندگیاں محفوظ رہ سکیں۔
