پاکستان کے انتخابات میں اختلافات سے گریز کیا جائے، افضل خان

مانچسٹر: بیرون ملک رہنے والے پاکستانیوں کو پاکستان میں آنے والے انتخابات میں بھرپور دلچسپی لینی چاہئے اور پاکستان کی سیاست کے حوالے سے آپس میں الجھنے کی بجائے رواداری کو اپنانا اور پاکستان کی خوشحالی کیلئے کوشاں رہنا چاہئے۔

ان خیالات کا اظہار لیبر پارٹی کے سابق شیڈو وزیر افضل خان ایم پی نے گفتگو کرتے ہوئے کیا۔ انہوں نے کہاکہ پاکستان میں انتخابات کی گہما گہمی ہے لیکن اختلافات سے مکمل گریز کرنا چاہئے، برطانیہ اور یورپ میں رہنے والے پاکستانی آبائی وطن کی بقا کیلئے اپنی صفوں اتحاد قائم رکھیں۔

انہوں نےکہاکہ کہ برطانیہ میں بھی جلد عام انتخابات کا اعلان ہو سکتاہے۔ اس لئے یہاں زیادہ سے زیادہ پاکستانیوں کو کامیاب کرانے کی کوشش کی جائے۔

انہوں نے ایک سوال کے جواب میں کہا کہ لیبر پارٹی فلسطین کی آزادی کی بھرپور حمایت کرتی ہے۔ لیبر پارٹی کے لیڈر کے بارے میں منفی پروپیگنڈا کیا گیا جب کہ فلسطین ایک حقیقت ہے، ان کی آزادی کیلئے اقوام متحدہ کی قراردادوں پر عمل درآمد کے حامی ہیں۔

مانچسٹر کے سابق لارڈ میئر نعیم الحسن نے کہاکہ پاکستان میں شفاف ، آزادانہ و منصفانہ انتخابات استحکام پاکستان کیلئے ضروری ہیں، ہر پاکستانی اپنے ووٹ کو لازمی استعمال کرے۔

اس موقع پر لیبر پارٹی کے سینئر ممبر پارلیمنٹ ٹونی لائیلڈ کی وفات پر ان کی برطانیہ اورکمیونٹی کیلئے خدمات کو خراج تحسین پیش کیا گیا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button