دینہ: شہید کانسٹیبل محمد رشید کی بیسویں برسی، شہید کی لحد پر پولیس افسران کی حاضری ، پولیس کے چاق و چوبند دستے کی شہید کو سلامی دی اور فاتحہ خوانی کی۔
ڈی ایس پی آرگنائزڈ کرائم مسعود مظہر،ایس ایچ او دینہ اور دیگر پولیس افسران نے شہید کی لحد پر حاضری دی، پھولوں کی چادر چڑھائی اور شہید کی بلندی درجات کے لیے دعا کی۔
یاد رہے کہ شہید کانسٹیبل محمد رشید دوران ڈیوٹی علاقہ تھانہ سوہاوہ میں قتل کے ملزم محمد ارشاد کو گرفتار کرنے کے سلسلہ میں دوران پولیس مقابلہ شہید ہو گئے تھے۔
اس حوالے سے ڈی پی او جہلم ناصر محمود باجوہ کا کہنا ہے کہ شہداء پولیس ہمارا وہ اثاثہ ہیں کہ جنہوں نے اپنا خون دیکر ملک و ملت کے باغیچے کی آبیاری کی۔ شہداء پولیس ہمارے محسن ہیں جو بہادری اور شجاعت کی داستانیں رقم کرتے ہوئے ہمیشہ کے لیے امر ہو گئے۔
انہوں نے کہا کہ شہداء پولیس کی لازوال قربانیاں جہلم پولیس اور جہلم کے عوام پر قرض ہیں، شہداء پولیس نے اپنا آج ہمارے کل پر قربان کر کے یہ ثابت کیا ہے کہ ہم ملک و ملت کی خاطر کسی قربانی سے دریغ نہیں کریں گے۔ شہداء پولیس کی فیملیز ہماری ذمہ داری ہیں ، جنہیں کبھی تنہا نہیں چھوڑا جائے گا، شہداء محکمہ پولیس کا حصہ تھے اور ہمیشہ رہیں گے۔
