جہلم: وزیر اعلیٰ پنجاب یوتھ گیمز کی رجسٹریشن میں ضلع جہلم نے نمایاں کارکردگی کا مظاہرہ کرتے ہوئے 27 اعشاریہ 3 ہزار رجسٹریشن کے ساتھ پنجاب بھر میں پانچویں پوزیشن حاصل کر لی اور پانچ بہترین اضلاع میں جگہ بنا لی۔
یہ کامیابی ضلع بھر میں نوجوانوں کی کھیلوں میں بھرپور شرکت، موثر آگاہی اور رجسٹریشن کے عمل کو منظم انداز میں آگے بڑھانے کے لیے کی جانے والی مشترکہ کوششوں کا نتیجہ قرار دی گئی ہے۔
اس نمایاں کامیابی میں مشیرِ صحت وزیرِ اعلیٰ پنجاب میجر جنرل (ر) ڈاکٹر اظہر محمود کیانی، وزیرِ مملکت برائے خزانہ و ریلوے بلال اظہر کیانی، ڈپٹی کمشنر جہلم میر رضا اوزگن، حمزہ اظہر کیانی، چیف ایگزیکٹو آفیسر ایجوکیشن ڈاکٹر نازیہ شہزادی اور ڈسٹرکٹ سپورٹس آفیسر محمد طارق گجر سمیت متعلقہ افسران، تعلیمی اداروں اور کھیلوں سے وابستہ ٹیموں کی محنت، رہنمائی اور مربوط کاوشوں نے اہم کردار ادا کیا۔
ضلع بھر میں نوجوانوں کو کھیلوں کی سرگرمیوں سے منسلک کرنے اور وزیرِ اعلیٰ پنجاب یوتھ گیمز میں زیادہ سے زیادہ شرکت یقینی بنانے کے لیے متعلقہ اداروں نے باہمی رابطے اور تعاون کے ساتھ رجسٹریشن مہم کو آگے بڑھایا۔ تعلیمی اداروں اور کھیلوں سے وابستہ ٹیموں کی جانب سے نوجوانوں کو رجسٹریشن کے عمل میں شامل کرنے کے لیے اقدامات کیے گئے، جس کے نتیجے میں ضلع جہلم نے رجسٹریشن کے اعتبار سے پنجاب کے نمایاں اضلاع میں اپنی جگہ بنائی۔
پنجاب بھر میں پانچویں پوزیشن کا حصول ضلع جہلم کے نوجوانوں کی کھیلوں میں دلچسپی، صلاحیت اور بھرپور شرکت کا مظہر قرار دیا گیا ہے۔ اس کامیابی سے نوجوان کھلاڑیوں کی حوصلہ افزائی کے ساتھ ضلع میں کھیلوں کی سرگرمیوں کو مزید فروغ دینے کے عزم کو بھی تقویت ملی ہے۔
متعلقہ حکام اور اداروں کی جانب سے نوجوانوں کو کھیلوں کے میدان میں زیادہ سے زیادہ مواقع فراہم کرنے اور ان کی صلاحیتوں کو اجاگر کرنے کے لیے کاوشیں جاری رکھنے کے عزم کا اظہار کیا گیا۔ اس موقع پر کھیلوں کے فروغ اور نوجوان کھلاڑیوں کو اپنی صلاحیتوں کے اظہار کے مزید مواقع فراہم کرنے کی اہمیت پر بھی زور دیا گیا۔
