پنڈدادنخان: تھانہ پنڈدادنخان پولیس کی موثر کارروائی، موٹر سائیکل چوری میں ملوث ملزم کو گرفتار کر کے چوری شدہ موٹر سائیکل برآمد کر لیا۔
تفصیلات کے مطابق جہلم کی تحصیل پنڈدادنخان میں پولیس نے جرائم پیشہ عناصر کے خلاف کامیاب کارروائی کرتے ہوئے موٹر سائیکل چوری کے مقدمہ میں ملوث ملزم کو گرفتار کر لیا۔
پولیس کی ٹیم نے ایس ایچ او تھانہ پنڈدادنخان کی قیادت میں کارروائی کرتے ہوئے ملزم افتخار کو گرفتار کیا۔ کارروائی کے دوران ملزم کے قبضے سے چوری شدہ موٹر سائیکل برآمد کر لی گئی۔
پولیس ترجمان کے مطابق ملزم کے خلاف ٹھوس شواہد اکٹھے کر لیے گئے ہیں اور اسے جلد ہی چالان کر کے عدالت میں پیش کیا جائے گا تاکہ اسے قرار واقعی سزا دلوائی جا سکے۔
پولیس حکام کا کہنا ہے کہ عوام کے جان و مال کے تحفظ کو یقینی بنانے کے لیے جرائم پیشہ افراد کے خلاف کارروائیاں بلاامتیاز جاری رہیں گی۔
