جہلم: ڈسٹرکٹ پولیس آفیسر جہلم ناصر محمود باجوہ نے ضلع جہلم کے مختلف تھانوں کے ایس ایچ اوز کے تبادلے کردیئے۔
تفصیلات کے مطابق ڈی پی او ناصر محمود باجوہ نے انتظامی بنیادوں پر ضلع جہلم کے مختلف تھانہ جات کے ایس ایچ اوز کے تبادلہ جات عمل میں لاتے ہوئے پولیس لائن میں تقرری کے منتظر سب انسپکٹر عثمان تصدق کو ایس ایچ او تھانہ لِلہ ، پرسنل ریلیشن آفیسرڈی پی او دفتر میں تعینات سب انسپکٹر محمد عمران کو ایس ایچ او تھانہ سوہاوہ تعینات کر دیا۔
انسپکٹر احسن بٹ کو پی آر او کی ذمہ داریاں سونپ دی گئیں، سب انسپکٹر فرخ شبیر ڈار کو ایس ایچ او تھانہ جلالپور شریف جبکہ سب انسپکٹر مرزا صداقت علی کو بطور ایس ایچ او تھانہ ڈومیلی تعینات کر دیا گیا۔
ڈی پی او جہلم نے تمام نئے تعینات ہونے والے ایس ایچ اوز کو فوری اپنی نئی جائے تعیناتی پر رپورٹ کرنے کے احکامات جاری کر دئیے، انتظامی بنیادوں پر پولیس افسران کے تبادلہ جات کا مقصدعوام الناس کے وسیع تر مفادات کو مدنظر رکھتے ہوئے بہتر پبلک سروس ڈیلیوری یقینی بنانا ہے۔
