دینہ میں 38 سالہ نوجوان سالگرہ والے دن دل کا دورہ پڑنے سے انتقال کر گیا ، سالگرہ کی خوشیاں منانے والا گھر ماتم میں تبدیل ہو گیا۔ نوجوان کی نماز جنازہ ادا کر دی گئی۔
تفصیلات کے مطابق جہلم کی تحصیل دینہ میں مین بازار کا رہائشی رانا محمد اسلم (مرحوم) کا 38 سالہ بیٹا رانا ماجدسالگرہ والے روز دل کا دورہ پڑنے سے خالق حقیقی سے جا ملا۔ رانا ماجد کی طبیعت خراب ہونے پر راولپنڈی ہسپتال لے جایا گیا لیکن وہ جانبر نہ ہو سکا۔
رانا ماجد کے انتقال سے برادری سمیت شہر میں غم کی لہر دوڑ گئی۔ مرحوم رانا ماجد انتہائی ملنسار اور اچھی شخصیت کے مالک تھے۔ مرحوم رانا اکرم مرحوم کا بھتیجا ، رانا امجد ، رانا عامر ، رانا آصف اور رانا شمشیر کے بھائی تھے۔
مرحوم کی میت جب مین بازار دینہ سے اٹھی تو کہرام مچ گیا۔ نماز جنازہ دن 3بجے ہاکی گراؤنڈ جی ٹی روڈدینہ میں ادا کی گئی جس میں علاقہ بھر کی سیاسی ، سماجی ، کاروباری ، صحافیوں سمیت کثیر تعداد نے شرکت کی اور بعد ازاں مرحوم کو سینکڑوں سوگواران کی موجود گی میں آہوں اور سسکیوں کے ساتھ مقامی قبرستان میں سپردخاک کر دیا گیا ۔
