دینہ: برطانیہ کے شہر سلوف لندن کے کونسلر چوہدری مبشر احمد اپنے آبائی گھر پرانہ مہتہ دینہ پہنچے، جہاں انہوں نے ڈپٹی کمشنر جہلم میر رضا اوزگن سے ملاقات کی اور ضلع میں جاری صفائی ستھرائی اور ترقیاتی اقدامات کو سراہا۔
کونسلر چوہدری مبشر احمد نے معروف صحافی رضوان سیٹھی کے ہمراہ ڈپٹی کمشنر آفس میں ملاقات کی، جس دوران تحصیل دینہ سمیت ضلع بھر میں جاری ترقیاتی منصوبوں اور صفائی کے نظام پر تفصیلی گفتگو کی گئی۔
اس موقع پر چوہدری مبشر احمد نے ڈپٹی کمشنر جہلم کی کارکردگی کو سراہتے ہوئے کہا کہ ضلع میں مثبت تبدیلیاں واضح نظر آ رہی ہیں اور انتظامیہ کے اقدامات قابلِ تحسین ہیں۔
ملاقات کے دوران دونوں شخصیات کے درمیان برطانیہ کی سیاست اور دیگر امور پر بھی تبادلہ خیال کیا گیا۔
