دینہ: سیکرٹری صحت پنجاب علی جان خان نے کہا کہ دینہ میں تحصیل ہیڈ کواٹر ہونا چاہئے اور آر ایچ سی کی جگہ پر ہونا چاہئے، انشاء اللہ آپ کو بہت جلد اپروومنٹ بلاک کو ایڈ کر کے اس کو تحصیل ہیڈ کواٹر ہسپتال بنائیں گے اور تمام سہولیات فراہم کریں گے، دینہ کے شہری کو اچھی سہولیات فراہم کریں گے۔
سیکرٹری صحت پنجاب علی جان خان نے رورل ہیلتھ سنٹر دینہ کے دورے کے دوران میڈیا سے گفتگو کرتے ہوئے کہا کہ وزیر اعلی پنجاب مریم نواز شریف نے ہمیں ٹارگٹ دیا ہے، 30جون تک تمام ہسپتالوں میں ڈاکٹرز پورے کریں گے۔
انہوں نے کہا کہ پنجاب بھر میں صحت کی بہترین سہولیات فراہم کرنے کیلئے اربوں روپے خرچ کیے جارہے ہیں، تمام قسم کے ہسپتالوں کو اپ گریڈ اور نئی مشینری فراہمی جاری ہے، ہم ایک بہت جلد نظام لے کر آرہے ہیں اور لوکل کی بنیاد پر ڈاکٹرز رکھیں گے اور اس میں دینہ کو بھی بڑا فائدہ ہو گا، امید کرتا ہوں کہ یہاں پر اس سسٹم کے تحت 4سے 6ڈاکٹرز مزید تعینات ہوں گے۔
ایک سوال کے جواب میں سیکرٹری صحت پنجاب نے کہا کہ ادویات کی کمی کو پورا کریں گے ڈسٹرکٹ ہیڈ کواٹر اتھارٹی بھی اپنے بجٹ کو دیکھے گی کہ ہم کہا ں سے اسے ایڈ کر سکتے ہیں اور اگر پھر بھی ضرورت پڑی تو وزیر اعلی پنجاب مریم نواز شریف سے خصوصی اجازت لے کر ادویات دی جائیں گی، آپ ساتھ والے ڈویژن میں دیکھیں چاہے آپ سرائے عالمگیر چلے جائیں جب آپ تحصیل ہیڈ کواٹر کو شہر سے باہر بناتے ہیں تو اس کو بنانے میں 20سال لگ سکتے ہیں بہتر ہے اسی کو بہتر کیا جائے۔
قبل ازیں سیکر ٹری صحت پنجاب علی جان خان نے رورل ہیلتھ سنٹر دینہ کا تفصیلی دورہ کیا ، دورے کے دوران انہوں نے ڈاکٹر حضرات سے مکمل بریفنگ لی۔
سیکرٹری صحت پنجاب نے ایمرجنسی اور سٹور روم کابھی دورہ کیا، ان کے ہمراہ ڈپٹی کمشنر جہلم کیپٹن (ر) سمیع اللہ فاروق ، ڈسٹرکٹ ہیلتھ آفیسر میاں مظہر حیات ،اسسٹنٹ کمشنر دینہ سعدیہ ڈوگر ، ڈپٹی ہیلتھ آفیسر دینہ اویس خٹک اور دیگر افسرن بھی ہمراہ تھے۔
