جہلم: ملک محمد صادق (آف یو کے) نے جہلم میں نو تعینات ڈی پی او طارق عزیز سندھو کو خوش آمدید کہا اور ان کے لیے نیک خواہشات کا اظہار کیا۔ انہوں نے امید ظاہر کی کہ ڈی پی او طارق عزیز سندھو جرائم کے خاتمے اور بالخصوص ٹریفک قوانین پر عمل درآمد کو یقینی بنائیں گے۔
ملک محمد صادق نے ڈپٹی کمشنر جہلم میثم عباس کی کارکردگی کو بھی سراہا اور کہا کہ تجاوزات کے خاتمے کے لیے میونسپل کمیٹی اور ضلعی حکومت شاندار کام کر رہی ہیں۔ انہوں نے اپنی رضاکارانہ خدمات کی پیشکش کرتے ہوئے کہا کہ ماضی میں انہیں ضلعی پولیس کی جانب سے اتھارٹی دی گئی تھی، اور انہوں نے اس وقت بھی اپنی خدمات بخوبی انجام دی تھیں۔
ملک محمد صادق نے کہا کہ "میں بہت جلد پاکستان آ رہا ہوں۔ اگر ڈپٹی کمشنر اور ڈی پی او جہلم نے مجھے اتھارٹی دی تو میں انشاءاللہ پہلے سے بہتر کارکردگی کا مظاہرہ کروں گا۔ پانچ سال قبل جو ایجنڈا میں نے دیا تھا، اس پر عملدرآمد ہو رہا ہے، اور میرے دل میں مزید کام کرنے کا عزم ہے۔ میرا مقصد سیاست یا شہرت نہیں بلکہ عوام کی خدمت ہے۔”
انہوں نے جہلم کے مخیر حضرات کو دعوت دی کہ وہ ان کے ساتھ مل کر فلاحی کاموں میں حصہ لیں۔ انہوں نے یقین دلایا کہ وہ ان منصوبوں کی خود نگرانی کریں گے اور عوام کی فلاح و بہبود کے لیے اپنی خدمات پیش کرتے رہیں گے۔
