جہلم: میونسپل کمیٹی کے عملے نے عید کے دنوں میں تندہی سے فرائض ادا کیے، عید کی خوشیاں بالائے طاق رکھ کر عوام کی خدمت پر ماموررہے ، شہریوں نے میونسپل کمیٹی کے عملے کو خراج تحسین کیا۔
تفصیلات کے مطابق میونسپل کمیٹی کے شعبہ سینٹیشن برانچ کے عملے نے حسب روایت اہل علاقہ کے لیے عید کے موقع پر صفائی ستھرائی کا کام تندہی سے انجام دیا، عید الفطر کے موقع پر جہاں لوگ رمضان المبارک کے اختتام پرصراحت کے لمحوں کا انتظار کرتے ہیں اور بیشتر وقت رشتہ داروں اور قربت داروں سے میل ملاپ میں صرف کر کے قلبی سکون حاصل کرتے ہیں۔
میونسپل کمیٹی کا عملہ ان خوشیوں کو بالائے طاق رکھ کے عوام کی خدمت پر مامور رہتا ہے اس مرتبہ بھی میونسپل کمیٹی کے شعبہ سینٹیشن برانچ کے عملے نے اندرون شہر کے گلی محلوں، سڑکوں اور کوڑا دانوں کی صفائی کا بیڑا اٹھائے رکھا اور اپنے فرائض بخوبی سر انجام دیے۔
عوامی، سماجی، رفاعی، فلاحی اور شہری حلقوں کا کہنا ہے کہ جب سے ڈپٹی کمشنر کیپٹن (ر) سمیع اللہ فاروق کی بطور ڈپٹی کمشنر تعیناتی ہوئی ہے شہر سمیت ضلع بھر میں صفائی ستھرائی سمیت شہر کی تزئین و آرائش کے لئے اپنی پیشہ ورانہ صلاحیتیں بروئے کار لاتے ہوئے کافی بہتری ہوئی ہے۔ دوسری جانب میونسپل کمیٹی کے عملے کو بھی صفائی ستھرائی کے کاموں میں معمور کئے ہوئے ہے۔
شہریوں نے ڈپٹی کمشنر کی عوامی خدمات اور میونسپل کمیٹی کے عملے کو خراج تحسین پیش کیا اور امید ظاہر کی ہے کہ میونسپل کمیٹی کا عملہ شہر کو مثالی بنانے میں کردار ادا کرتا رہے گا۔
