جہلم: روہتاس روڈ جہلم پر چوروں کی چاندی، کھلے عام دکانوں کے تالے توڑ کر دکانیں لوٹنے کا سلسلہ جاری ہے۔ ایک ہفتے میں تین دکانیں لوٹ لی گئیں، دوکانداروں کا لاکھوں کا نقصان ہو گیا۔
دوسری طرف روہتاس روڈ پر واپڈا کے ہائی وولٹیج سے شارٹ سرکٹ سے میڈیکل سٹور جل کر راکھ ہوگیا پر فائر برگیڈ والے بر وقت نا پہنچ سکے۔
مسلسل وارداتوں اور واقعات سے اہل علاقہ میں خوف و ہراس پھیلا ہوا ہے۔ کوئی منظم چوروں اور ڈکیتوں کا گروہ جہلم میں چوریاں کر رہا ہے۔
اہل علاقہ کا کہنا ہے کہ اس مہنگائی کے دور میں جہاں ہر بندہ پریشان ہے وہاں چوروں کی کارروائیوں سے لوگوں کا جینا محال ہوگیاہے۔
اہل علاقہ اور دکانداروں کا ڈپٹی کمشنر اور ڈی پی او جہلم سے چوروں کو پکڑنے، پولیس کی چیک پوسٹ بنانے اور پولیس کا گشت بڑھانے کا مطالبہ کیا ہے۔
