سوہاوہ: عام انتخابات میں حصہ لینے کے لیے ضلع جہلم کے صوبائی حلقہ پی پی 24 کے لیے 19 امیدواروں نے کاغذات نامزدگی ریٹرننگ آفیسر کے دفتر سے حاصل کر لیے۔
فارم حاصل کرنے والوں میں تمام سیاسی جماعتوں کے امیدواروں سمیت آزاد امیدوار اور تجویز کنندہ بھی شامل ہیں جبکہ چند امیدواروں کے نامزدگی فارمز ان کے نمائندوں نے وصول کیے۔
کاغذات نامزدگی حاصل کرنے والوں میں غلام مجتبیٰ بخاری ، راجہ محمد سعید ایڈووکیٹ ، امجد راشد ٹیپو، راجہ یاور کمال ،غلام حسین کیانی، سید رفعت محمود زیدی ،چوہدری ناصر حسین ،حسن عدیل ، محمد وسیم افضل ،راجہ اویس خالد ، راجہ گل زمان ، راجہ جمشید اشرف ، چوہدری ندیم خادم ، نعیم افضل ،غلام حسین ، سید عرفان امیر شاہ ، خالد محمود ،مرزا عبدالغفار خان اور یثرب علی شامل ہیں۔
کاغذات نامزدگی مختلف سیاسی جماعتوں کے امیدواروں اور ان کے نمائندوں نے ریٹرننگ آفیسر حلقہ پی پی 24 فضائل مدثر سے حاصل کیے۔ امیدوار اپنے کاغذات نامزدگی 20 دسمبر سے 22 دسمبر تک دفتری اوقات میں جمع کروائیں گے۔
