جہلم میں معمولی تلخ کلامی پر گولیاں چل گئیں، فائرنگ سے 30 سالہ شخص شدید زخمی ہو گیا۔
تفصیلات کے مطابق جہلم کے علاقے بلال ٹاؤن میں معمولی تلخ کلامی کے نتیجے میں جھگڑا ہوا جس پرتین ملزمان نے 30 سالہ شخص کو فائرنگ کر کے شدید زخمی کر دیا۔ مضروب کی چند روز پہلے ملزمان سے کسی بات پر تلخ کلامی ہوئی تھی۔
پولیس کے مطابق ملزمان نے اسی رنجش کی بنیاد پر مرکزی ملزم کی قیادت میں دو ساتھیوں کے ساتھ مل کر فائرنگ کی۔ فائرنگ کے نتیجے میں 30 سالہ شخص زخمی ہوا تاہم مقامی افراد نے فوری طور پر اپنی مدد آپ کے تحت زخمی شخص کو اسپتال منتقل کیا۔
پولیس کا کہنا ہے کہ زخمی کی حالت خطرے سے باہر ہے اور اس کے علاج جاری ہے۔ پولیس نے واقعے کا مقدمہ درج کر کے تفتیش شروع کر دی ہے۔
