جہلم: درجہ دوم گھی اور آئل کی قیمتوں میں اضافے کا رحجان جاری ہے جس کے بعد مزید اضافہ ہوگیا۔
ہول سیل مارکیٹ ذرائع کے مطابق درجہ دوم کوکنگ آئل کی 12 پیک کی پیٹی مزید 112 روپے اضافے سے 6400 جبکہ درجہ دوم گھی کی 12 پیک کی پیٹی 106 روپے اضافے سے 6250 روپے کی سطح پر پہنچ گئی۔
ہول سیل میں کوکنگ آئل کی فی لٹر قیمت 9 روپے 33 پیسے اضافے سے 533 جبکہ گھی کی فی کلو قیمت 8.83 پیسے اضافے سے 521 روپے تک پہنچ گئی۔
پرچون سطح پر دکاندار مختلف قیمتیں وصول کر رہے ہیں۔ درجہ دوم فی لٹر کوکنگ آئل کی کم از کم قیمت 550 جبکہ گھی کی فی کلو قیمت 540 روپے تک وصول کی جا رہی ہے۔
