جہلم میں ایک اور منشیات فروش کو قید اور جرمانے کی سزا

جہلم میں منشیات فروشی کے ایک اور مقدمے کا فیصلہ سناتے ہوئے عدالت نے جرم ثابت ہونے پر مجرم کو سخت سزا سنا دی۔

تفصیلات کے مطابق عدالت نے منشیات کے مقدمہ نمبر 112/24 بجرم CNSA 9(I)3C تھانہ سٹی کا فیصلہ سناتے ہوئے مجرم اظہر محمود کو 9 سال قید اور 1 لاکھ روپے جرمانہ کی سزا سنائی۔

مجرم اظہر محمود کو سال 2024 میں منشیات فروشی کے جرم میں گرفتار کیا گیا تھا۔ جہلم پولیس نے مجرم کو جدید طریقہ کار کے تحت ٹریس کر کے گرفتار کیا اور ٹھوس شواہد کے ساتھ چالان عدالت میں جمع کروایا۔ مقدمے کی مؤثر پیروی کے نتیجے میں عدالت نے مجرم کو قرار واقعی سزا سنائی۔

ڈی پی او جہلم طارق عزیز سندھو نے اس کامیاب کارروائی پر تبصرہ کرتے ہوئے کہا کہ منشیات فروش معاشرے کے لیے ناسور ہیں اور ان کے خاتمے کے لیے پولیس کا بھرپور آپریشن جاری رہے گا۔ انہوں نے مزید کہا کہ ایسے عناصر کو قانون کے شکنجے میں لانے تک پولیس چین سے نہیں بیٹھے گی۔

ڈی پی او جہلم نے مقدمے کی مؤثر تفتیش اور عدالتی پیروی پر اپنی انوسٹیگیشن اور لیگل ٹیموں کو شاباش دیتے ہوئے تعریفی سرٹیفکیٹ اور نقد انعام دینے کا اعلان بھی کیا۔