پنڈدادنخان: معروف سماجی و رفاعی شخصیت فخر حیات کریم پور کی طرف سے ایم این اے چوہدری فرخ الطاف کے اعزاز میں شاندار تقریب کا انعقاد مقامی میرج ہال چک نظام موڈ ہوا۔
راجہ فخر حیات کی طرف سے مہمان خصوصی چوہدری فرخ الطاف سمیت تمام مہمانوں کو خوش آمدید کہا اور علاقائی مسائل، للِہ جہلم روڈ کی تعمیر، ٹیکسلا یونیورسٹی سب کیمپس، پینے کے پانی کی فراہمی سمیت دیگر مسائل کی نشاندہی کی، راجہ فخر حیات نے چوہدری فرخ الطاف کو اپنی مکمل حمایت کا یقین دلایا۔
ایم این اے چوہدری فرخ الطاف نے اپنے خطاب میں راجہ فخر حیات کا شاندار استقبال پر خصوصی شکریہ ادا کیا اور کہا کہ بدقسمتی سے تحصیل پنڈدادنخان پنجاب کی بدقسمت تحصیل ہے جہاں پر بے پناہ مسائل ہیں۔
انہوں نے کہا کہ تحصیل پنڈدادنخان کی ترقی کیلئے اپنا بھرپور کردار ادا کریں گے، للِہ جہلم روڈ کی تعمیر بروقت یقینی بنانے کیلئے عملی اقدامات کریں گے، اپنے مسائل کو حل کرنے کیلئے بھرپور کردار ادا کریں، للِہ جہلم روڈ کی تعمیر کا کام مزید تیز کیا جائے گا۔
تقریب میں سابق ضلعی چیئرمین راجہ قاسم علی خان، سابق تحصیل ناظم چوہدری عابد اشرف جوتانہ، ڈاکٹر فضل الحق فضلی، ایم پی اے گجرات چوہدری اعجاز احمد، سابق امیدوار قومی اسمبلی راجہ طالب مہدی خان، مفتی بشیر احمد کرم، راجہ شاہ نواز خان احمد آباد، راجہ حیدری چک دانیال، کرنل (ر) سید زاہد حسین شیرازی، ملک شہزاد جھاتلہ، ملک نوید ریحان کندوال، امیدوار صوبائی اسمبلی چوہدری ناصر جاوید وڑائچ، ضلع جہلم، سرگودھا، گجرات، چکوال سمیت تحصیل پنڈدادنخان کی اہم سیاسی، رفاعی، سماجی شخصیات، وکلا اور صحافیوں کی بڑی تعداد نے شرکت کی۔
معروف عالم دین کنوینر ورکنگ کمیٹی للِہ جہلم روڈ مفتی بشیر احمد کرم نے راجہ فخر حیات کی طرف سے شاندار اجتماع پر انکو خراج تحسین پیش کرتے ہوئے ورکنگ کمیٹی للِہ جہلم روڈ کاوشوں سے آگاہ کیا۔
انہوں نے چوہدری فرخ الطاف سے بھرپور اپیل کرتے ہوئے للِہ جہلم روڈ کی تعمیر کو بروقت تکمیل یقینی بنانے کیلئے اپنا بھرپور کردار ادا کرنے اور اپنے منتخب نمائندوں کے شانہ بشانہ کھڑے ہونے کے عزم کا آعادہ کیا۔
