میونسپل کمیٹی جہلم کے شعبہ تجاوزات کے ذمہ داران کی عدم توجہی، شہر میں تجاوزات مافیا چھا گیا

جہلم: میونسپل کمیٹی کے شعبہ تجاوزات کے ذمہ داران کی عدم توجہی شہر میں تجاوزات مافیا چھا گیا، نگران وزیر اعلیٰ پنجاب کی جانب سے تجاوزات کے خاتمہ کے احکامات بھی نظر انداز، شہر کے اہم چوک چوراہوں سمیت مصروف بازار وں اور سڑکوں پر بھی تجاوزات کی بھرمار ہے۔

تفصیلات کے مطابق شہر کے وسط میں واقع شاندار چوک سے ملحقہ ریلوے روڈ، تحصیل روڈ، سول لائن روڈ، اولڈ جی ٹی روڈ سمیت بازاروں سڑکوں اور شہر کے چوک چوراہوں پر جگہ جگہ ریڑھی بانوں، لوڈ ر رکشہ اور چنگ چی رکشہ ڈرائیوروں نے قبضہ جما رکھا ہے ، سول لائن روڈ ، اولڈ جی ٹی روڈ، تحصیل روڈ اور ریلوے روڈ پر تجاوزات کی وجہ سے لڑائی جھگڑے روزانہ کا معمول بن چکے ہیں۔

تجاوزات کے باعث شہر کی سڑکوں پر ٹریفک کا جام رہنا معمول بن چکا ہے جس کی وجہ سے گاڑیوں کا گزرنا تو در کنار پیدل چلنا بھی محال ہو چکا ہے ، میونسپل کمیٹی کے شعبہ انسداد تجاوزات اور ٹریفک پولیس کا عملہ صرف رکشہ ڈرائیوروں اور ریڑھی بانوں کو لائنوں میں لگاتے نظرآتے ہیں ۔

شہریوں کی شکایت کے باوجود ڈی ایس پی ٹریفک ، چیف آفیسر میونسپل کمیٹی کے کانوں پر جوں تک نہیں رینگتی۔ شہریوں نے نگران وزیر اعلیٰ پنجاب، آئی جی پولیس،ڈی آئی جی ٹریفک، چیف سیکرٹری پنجاب ، سیکرٹری بلدیات ، محتسب پنجاب سے نوٹس لینے کا مطالبہ کیا ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button