صفائی نصف ایمان جس پر ہمیں بحیثیت قوم مل کر عمل کرنا ہے، ڈپٹی کمشنر جہلم سمیع اللہ فاروق

جہلم: صفائی نصف ایمان ہے جس پر ہمیں بحیثیت قوم مل کر عمل کرنا ہے جس سے نہ صرف بیماریاں ختم ہوں گی بلکہ شہر کی خوبصورتی میں اضافہ ہو گا۔

ان خیالات کا اظہار ڈپٹی کمشنر جہلم کیپٹن (ر)سمیع اللہ فاروق نے گزشتہ روز صبح پورے شہر کے فلتھ ڈپو اور تمام بازاروں کا دورہ کرتے ہوئے عوام سے باتیں کرتے ہوئے کیا۔ اس موقع پر چیف سینٹری انسپکٹر رانا محمد اشفاق کے علاوہ محمد بشیر سپروائزر بھی موجود تھے۔

شہریوں نے ڈپٹی کمشنر جہلم اور میونسپل کمیٹی کے سینٹری سٹاف کی طرف سے شہر میں ہونے والی صفائی کے ضمن میں ضلعی انتظامیہ کا شکریہ ادا کیا جبکہ میونسپل کمیٹی کے سٹاف کو منفرد و خوبصورت یونیفارم دینے کے اقدام کو سراہا۔

ڈپٹی کمشنر جہلم کیپٹن (ر)سمیع اللہ فاروق نے شہریوں سے کہا کہ جہلم میں صفائی کے نظام کو بہتر کرنے کے لیے ہر ممکن اقدام کیے جا رہے ہیں جبکہ آپ لوگ اس صفائی کے عمل میں ہمارے معاون بنیں تاکہ نا صرف گندگی بلکہ بیماریوں سے بھی نجات مل سکے۔ لوگوں نے سینٹری سٹاف کے کام کی بہت حوصلہ افزائی کی۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button