جہلم چیمبر آف کامرس اینڈ انڈسٹری کے نو منتخب صدر حاجی زاہد حسین بٹ، سینئر نائب صدر سیف ریاض اور نائب صدر سعید زمان ساہی اور ایگزیکٹیو ممبران نے اپنے عہدوں کا حلف اٹھا لیا۔
جہلم کے مقامی ہال میں ایک بہت بڑی تقریب حلف برداری منعقد ہوئی جس میں جہلم چیمبر آف کامرس اینڈ انڈسٹری کے سابق صدر راجہ محمد انور نے منتخب صدر حاجی زاہد حسین بٹ ، سینئر نائب صدر سیف ریاض اور نائب صدر کے لئے شیخ سعید زمان ساہی اورنئے منتخب ایگزیکٹو ممبران کا آئندہ دو سال کے لیے حلف لیا۔
اس موقع پر جہلم کے کاروباری، سیاسی، سماجی اور کاروباری لوگوں نے بھرپور شرکت کی۔ آخر میں لوگوں کی بڑی تعداد نے منتخب ہوئے والے صدور اور ایگزیکٹو ممبران کو ہار پہنائے اور مبارکباد دی۔
نومنتخب صدر حاجی زاہد حسین کی طرف سے جہلم چیمبر آف کامرس اینڈ انڈسٹری کوایک کروڑ کا چیک جبکہ ووٹ پول کرنے والے ممبران کو 3 عمرہ کے ٹکٹ اور ایک ہنڈا موٹر سائیکل CB125F تحفہ میں دیا۔
