سوہاوہ/ جہلم: سوہاوہ بار ایسوی ایشن کے وفد کی ڈی پی او جہلم ناصر محمود باجوہ سے ملاقات، وکلاء کی جعلی ڈگری کیس میں ڈی پی او جہلم اور پولیس کے کردار کی تعریف اور شکریہ ادا کیا گیا۔
تفصیلات کے مطابق سوہاوہ بار ایسوی ایشن کے وفد نے صدر بار کے ہمراہ ڈی پی او جہلم ناصر محمود باجوہ سے ان کے آفس میں ملاقات کی جس میں گزشتہ دنوں بار ایسوسی ایشن میں وکلاء کی جعلی ڈگریوں اور قانونی کارروائی بابت ڈی پی او جہلم ناصر محمود باجوہ صاحب کا شکریہ ادا کیا۔
وفد نے کہا کہ ڈی پی او جہلم کے تعاون کی بدولت جعلی وکلاء کے خلاف قانونی کارروائی میں پولیس نے اپنا بھرپور کردار ادا کیا اور دیگر ملزمان کے خلاف بھی قانونی کارروائی کی جائے گی۔
اس موقع پر ڈی پی او جہلم ناصر محمود باجوہ نے کہا کہ قانون کے مطابق کارروائی کی جائے گی اور کسی سے بھی شخص چاہے وہ کوئی بھی ہو کارروائی قانون کے مطابق کی جائے گی اور کوئی رعایت نہیں کی جائے گی۔ جعلی ڈگری کیس میں پورے نیٹ ورک کو ٹریس آؤٹ کیا جائے گا اور ملزمان کو ٹھوس شواہد کی روشنی میں چالان کر کے عدالت پیش کیا جائے گا۔
سوہاوہ بار کے وفد نے ڈی پی او جہلم کی خدمات اور عزم کو سراہا۔
