جہلم: مہر محمد الیاس نے کہا کہ سوشل میڈیا کے اس دور میں ہر فرد پر لازم ہے کہ وہ کوئی بھی بات تحقیق کے بغیر دوسرے سے شیئر نہ کرے، جھوٹی خبروں کے انتشار کیساتھ شخصیت پر بھی منفی اثرات مرتب ہوتے ہیں۔ عام انسان بلا سوچے سمجھے فرقہ وارانہ پوسٹ کو بھی فارورڈ کر رہا ہے جس سے منافرت اور نفرت کو فروغ مل رہا ہے۔
ان خیالات کا اظہار صدر جہلم پریس کلب مہر محمد الیاس نے جہلم پریس کلب میں ڈیجیٹل میڈیا کے وفد سے خصوصی گفتگو کے دوران کیا۔ وفد کی قیادت صدر ڈیجیٹل میڈیا انیس الرحمٰن بٹ کررہے تھے جبکہ وفد میں محمد ادریس، فضل خان، تنویر کیانی، عبدالرحمٰن ریاض اور طاہر محمود شامل تھے۔
مہر محمدالیاس نے کہا کہ فیک نیوز کے معاشرے پر اثرات اور اس سے بچاؤ بارے سرکاری سطح پر سیمیناز منعقد ہونے چاہیے۔
صدر الیکٹرانک میڈیا چوہدری عابد محمود نے نوجوان نسل خصوصاً طلبہ و طالبات پر زور دیا کہ وہ فیک نیوز کا تدارک اپنی قومی ذمہ داری سمجھ کر کریں۔
