جہلم: چیئرمین پولیس لائزن کمیٹی جہلم چیمبر آف کامرس اینڈ انڈسٹری ڈاکٹر ظہیر احمد نے یوم عاشورہ پرسکیورٹی کے فول پروف انتظامات پر قانون نافذ کرنے والے تمام سیکیورٹی اداروں کو بھرپور خراج تحسین کیا۔
محرم الحرام کے دوران ضلعی انتظامیہ نے ڈپٹی کمشنر سیدہ رملہ علی کی سربراہی میں فول پروف سیکیورٹی فراہم کی، پولیس اور ٹریفک پولیس سمیت قانون نافذ کرنے والے تمام اداروں کی جانفشانی کی بدولت عاشورہ کے جلوس بخیر و عافیت اپنی منزل پر پہنچ کر اختتام پذیر ہوئے۔
ڈاکٹر ظہیر احمد بٹ نے کہا کہ محرم الحرام میں سکیورٹی کے بہترین انتظامات پر ڈی پی او جہلم ناصر محمود باجوہ خصوصی مبارکباد کے مستحق ہیں۔ اسی طرح سول ڈیفنس جہلم کے افسران اور وولینٹیرز کو شاباش جن کی انتھک خدمات کی بدولت یکم محرم تا یوم عاشور کوئی ناخوشگوار واقعہ پیش نہیں آیا۔
انہوں نے مزید کہاکہ عشرہ محرم الحرام میں پولیس اور ٹریفک پولیس سمیت قانون نافذ کرنے والے اداروں کے تمام افسران و اہلکار اپنے فرائض کی انجام دہی میں مصروف عمل رہے۔ یوم عاشورہ پر ڈیوٹی پر مامور ڈاکٹرز، پیرامیڈیکل اسٹاف، ریسکیو 1122 کا عملہ بھی مصروف عمل رہا جس پر سب خرج تحسین کے مستحق ہیں۔
